سنین اوچون قوشورام بو شئعیری

ماوی گؤزلوم

شیرین سؤزلوم

آخی سندن اویرنمیشم شئعیر قؤشماغی

***********

سنین اوچون قوشورام بو شئعیری

اوندا كی ماوی گؤزلرین

گؤی لرین كرانه سی كیم

بولوتلا دولور

و شیمشك لر چاخناشیر

باخیشلاریمیز دوگونلننده !!

و یاغیش یاغیر ایپك كیپریك لریندن !!

ومن قیمیرام

قیمیرام یاناقلارینین رنگی پؤزرلا !

**********

سنین اوچون قوشورا بوشئعیری

اوندا كی گولوش قونچه سی

          گول آچیر سیجاق دؤداقلاریندا

و گؤزللیین داها آرتیر

 آه من نه قدر موتلویام

اوندا كی دؤلور قولاغیما

         اینجه لی سسین

منی چاغیریرسان

 خیالیمدا !!

گئتمه ، گئتمه قال قاداسی

قوی من بئله  موتلو یاشاییم

ماوی گؤزلوم

شیرین سؤزلوم

 

 

 

 

 

 

 

آردینی اوخو
پنجشنبه 18 فروردین 1390
بؤلوملر :