قره سو*دان گلن یولدا

بیر كؤلا باغلادیم گنجیلییمی

 ایتیرمیشم ،ایتن اوشاقلیغیم كیمی!!

گزیره م یوللاری

 آختاریرام  كؤللاری

بیرنیشان یوخ!!

 كیمسه دن سورورام   آد - سان یوخ!!

بیری دئییر یئللر آپاریب!!

بیری دئییر سئللر آپاریب!!

بیری دئییر ائللر آپاریب!!

قوجا بابا دوغورو دئدی :ایللر آپاریب

ایللر اوغرویومیش بیلمز دیم

هر شئی قوجالار دوغرویومیش بیلمز دیم

قارا ساچلار آغارارمیش  بیلمز دیم.......

ایندی ساچلار دن دن اؤلوب آرغاریر

باشیما قار یاغیر!!!

دونیا گون گون داراریر

آخی دونیا قوجالیر!!!

هاردا قالدین گنجیلییم ؟!

 حسرتله آرخانجا گزیرم آدیم آدیم

آدیملاریم بیری ایره لی بیری گئری!!

اوغلوم غرورلا دئییر:

بابا قیرواق قیرواق یئری.....

هاردا قالدین گنجیلییم ؟!

سن واریدین بو یؤلاری قاچاردیم

قاناد چالیب قوشلار تكین اوچاردیم

سن واریدین گویده اولدوزلاری قوواردیم

بولوتلارین یاغیشلارین ساغاردیم

سن یوخسان بولود یاغیر گؤزلریم

قم ائله ییر سؤزلریم

لاله یاناقلاریم بؤزاریب

گؤز ایشیغیم سؤزالیب

اللریمی بوز آلیب

ایندی

سن یوخسانسا – من وارام

باشقا دونیادا یاشارام

قوجالارینان ال اله !!

سندن قالان حسرت ایله

حسرت ایله

هاردا قالدین گنجیلییم ؟

هاردا قالدین

هاردا ؟!

قره سوـ  اكین بیچین كوْشنیمیز ین آدی   *

گوتور سازی آشیق چیخ میدانا

خوش آوازین یایلسین هر یانا

آشیق گرك قوربان اولسون  جانانا

چیخاردسان سازیندان دؤنو یاخشیدیر

     **********

قور مجلیسی قوناق ائیله هامینی

دولدور قدحلری گوتور جامینی

چك امگین آل دونیادان كامینی

دئمه بو دونیانین سؤنو یاخشیدیر

     **********

ساتماگینن بو گونلری صاباحا !

باخماگینن سنینه لرده آه ها

آشیقلارین اومودو تك آللاه ها

حق یولودور اونون یولو یاخشیدیر

     **********

چالیش مجلیسلرین دولو مئی اولسون

ساز اولسون قووال اولسون نئی اولسون

فرق ائیله مز باهار ، پاییز ، دئی اولسون

دارانلی  اؤلاندا ،هر قونودا  یاخشیدیر !!