شاعیرانه یاشام

-----------

 

بیر میصراع سن

بیر میصراع من

شاعیرانه گل

بئیتیمیز تاماملانسین

سئویرم تاوانا  دوزولسون

قوشلار

قارانقوشلار

لاپ بئله بایقوشلار

شئعیر کیمی

قیزینسین بئیتیمیز

ترله سین

شوشه لردن شاراب سوزولسون

ایستیرسن – سربست

ایستیرسن -  مدرن

پست مدرن

یوخسا

 بیر کلاسیک غزل کیمی

قافییه لنسین

بئیتیمیز

جان سن دئ

جان من دئییم

باشینا بوراخاق غزلی

بوردا

اوزانسین

دونیا دوردوقجا

سون میصراع نی

زامان

یازسین

 

 

ح- ع - باریش






 

آردینی اوخو
شنبه 12 دی 1394
بؤلوملر : سربست لر,