قوناغیم وارییدی ایش ایچینده بیر ماهنینی  دوداق آلتی اؤخوردیم  (  یاز گلینجه  شؤر گؤلونده  دینجلر جانیم اورمو  دینجلر جانیم اورمو .......... ) دوستومون كؤرپه قیزی دئدی : منی ده اورآپاردا عمی

دئدیم : هارا آپاریم گؤزل قیزیم   . دئدی  :شؤر گؤلونه  .... الیندن یاپیشیب دئدیم گل گئدك .

كامپیوتری یاندیرب اورمو گولونون گؤزل شكیللرینی گؤستردیم . شپه لرینی – لیلكلرینی  - نارین بالیقلارینی و..........

قیز دئدی : منی اوریا آپار شكیللرینی ایستمیرم منی اوریا آپار دینجه لیم

دئدیم : بالا داها اورا یوخدور یانی اؤ سولار قورویوب

دئدی : من آلدانمارام بیر اؤ قدر سو قورویابیلمز اینانمیرام

دئدیم : حاقلیسان منده اینانمیردیم امما گئرچكدن قورودو یا دوغروسو قوروددو.......

قویو گوگرچین لری  آج  قالماسین  دئیه    پنجره دن  دن   سپئردی

هر قیش  شاختاسیندا .

بو قیشدا  گوگرچین لر گلمیشدیلر – اؤزلرینی شوشه لره  چالیب  بوش قایدیردیلار.  احمد  دوستاغا  آلینمیشدی !  گنج قادین اوتاغیندا یالنیزجاسینا

اوتوروب باخیردی ،اوره یی داریخیردی، اوره یی دؤیونوردی ، اوره یی سیخیلیردی ،  پنجره یه  یاخینلاشیب :بو قیشدا آج قالمایین دیئه  بیر اؤووج  خاطیره سئپدی .

.  پنجره نین سویوق  شوشه سینده  احمدین  شكیلی  جانلاندی !!

 احمد  آغلاییردی . گوز یاشلاری   شوشه ده دونوب مفتیللر

یاراندی   شوشه تام  دوندو  وشكیل  پوزولدو !!!!!!!!!

گنج قادین  یالنیز جاسینا اوتوروب باخیردی..................