نیفرت ائدیرم من بو شهردن
گوتورون منی بوردان ، گوتورون داغلار
یورولدوم آزار چكدیم
درد چكدیم آزار چكدیم
آغ گونلریمه قارا چكدیم
گوتورون منی بوردان ، گوتورون داغلار
بو شهر رنگ رنگدیر
هره بیر رنگ چالیر
بیری ویجدانین ساتیر
بیری سوزون دانیر
بیری حاقسیزجا – حاقلانیر
بیر حاقلیجا – حاقسیزلانیر
بیری آلچاقدیر یئرسیز اوجالیر
بیری اوجادیر یئر سیز آیاقلانیر
بیری دیلسیز تاپتالانیر !!
من بورالی دئییلم
بوراسی منیم دئییل
گوتورون منی بوردان ، گوتورون داغلار
ایتیردیم اوزومو – اوزلویومو
ایتیردیم ائلیمی ایتیردیم دیلیمی
گوتورون گوده می
قایتارین منه منی
قایتارین توكولموش منلییمی
قایتارین منه آنامدان اویرنمیش آنا دیلیمی
قایتارین وطن آدلی بیر مزارا منی !!!
من بورالی دئلییم- بوراسی منیم دئییل
گوتورون منی بوردان ، گوتورون داغلار
گوتورون داغلار