اودلاردان یاراندیم من

 باشیمدان آشیدی دنیزلر سویو

سونمه دیم

سن ای نسیم

ائه هئی كولك

آ های طوفان

منی سوندورمه یه – كوشولداما

من سنیله داها آرتیق آلیشاجاغام

داها آرتیق......

      1

 پاییز

طبیعتین رساملیق  درسی

یارپاق یارپاق

بویاییر اوزون

      2

حیطیمیزده خورمالو آغاجی

سون یارپاغینیدا

     پاییزا وئردی

وچیلیم چیلپاق

  قیشا قؤناق گئدیر

یئنه ده گونللری سایمالییام

 باهار گلینجه...!!!!

بو قارانلیق گئجه نین رنگی سارالمیش

اولدوزلاردا دویون وار

اوره ییم دویونور

سن می گلیرسن ؟

من می اولورم ؟

یوخ

اولومدن قورخمورام

داغلارین دوشونده یووا سالمیشام

زیروه یه  یاخین

باخین

بو گون صاباح زیروه یه آیاق باساجاغام

یوخ- اولومدن قاچمیرام

سئویرم زیروه ده اولم ، گونش دوغولاندا

آنام خاطیرینه!

هارایلی بیر اولوم كی

سیندیرا قاپانمیش پنجره لرین شوشه سینی

و یئتیره منه سنی

تا بیرلیك ده اولك

آنام خاطیرینه

بو قارانلیق گئجه نین رنگی سارالمیش

اولدوزلاردا دویون وار

صاباح گونش

 یئنه گونی دن چیخاجاق......

                        دارانلی