توستوله ییر هله یانان كیتابلار
كوللر آلتیندا هنیرتیسی وار هله
آغلاییر قزللر آغلاییر كیتابلار
كوللر آلتیندا هنیرتیسی وار هله
******** ********
سیزلاییر قوشمالار سینه به سینه
اوره كلر كیتابا بیر مزار اولوب
اوخودو حزین لای لای او گونوم ننه
اوره كلر كیتابا بیر مزار اولوب
******* *********
یاندی سو چوره ك- یاندی جان اوره ك
یاندی آزربایجان دیل یاساق اولدی
یاندی قیز اوغلان یاندی دیل دوداق
یاندی آزربایجان دیل یاساق اولدی
******* ********
یانمادی تك كیتاب آذر اودوندا
یاندی ائلیمیز یاندی دیلیمیز
باشیما گلدی چوخ بلا سونوندا
یاندی ائلیمیز یاندی دیلیمیز
******** *********
آلیشیر سونموش بو اوجاق هردن
یانمیشق درگی لر كیتابلار سایاق !
قوزانیر كول آلتیندان بیر قزل هردن
یانمشیق درگی لر كیتابلار سایاق...!!!!!