چیخ ایچیمدن سئوگلیم ، چیخ داها آرتیق
خاطره لریم قورشونا باغلانان زاماندی
چیخ كی ایچیمی گزنده گورسونلر
منیم عشقیم تكجه آذربایجاندی
چیخ شئعیر لریمدن ، چیخ كیتابلاریمدان
صابلاری كول اولاجاق یاندیراجاقلار
چیخ دیلیمدن سؤزمدن چیخ داها آرتیق
دوداقلاریم تیكیب دیلیمی باغلایاجاقلار
یوخ ، گل دؤل ایچیمه سنده خاطیره اول
گوزلریمین بئله آچیق رنگلی زامان
دول شئعیریمه كتابلاریمدا یان كول اول
قوزانسین یوكسكلره كوللردن ، دومان
گل سنده یانمیش شئعیر اول سینه دفترینده
هردن كؤز اول هر دن آلیش هردن یان
آرامیزدا یادیندادیر عشقیمیزی بولنده
دئدیم عشقیدن اوستوندو آذربایجان