سینیرلار یوزولور

یئنی ادبیاتا دوغرو بیر آددیم

گلسن

 

گلسن

سیندیرا جاغام  آیاغین آلتدا

 ساعاتلاری !

 ندنسه؟!

سندن باشقا كیمینی – گؤزله میرم كی

سانایام

دیقه لری – ثانیه لری !

 

گلسن

سؤندوره جه یم

یانان چیراغلاری – شاملاری

گیزله ده جه ییم

گونشی – آیی – اولدوزلاری!

ندنسه ؟!

گلیشینله ائیشیقلیغا چیخاجاغیم من

 

گلسن

الیمه گؤتوره جه یم

قلم لری – كاغیذلاری

قؤناق چاغیراجاغام

سئویملی – گؤزل سؤزجوكلری

و

گلیشینه بیر شئعیر قؤشوب

 بوراغاجاغام

 هاوایا..!!!!

 

آردینی اوخو
پنجشنبه 23 تیر 1390
بؤلوملر : شئعیرجیكلر,

گؤزل كندیم

گؤزل كندیم گلدیم سنله دانیشام

خاطیرلایام عشقی یئنه آلیشام

كوسموشم سه بیرده باریشام

عشق اوجاغیمسان ، سندن دونه بیلمرم

**************

بو یوللارا بیرده حسرتله  باخیم

سینه مین باشینا خنجر ی تاخیم

كوكره سین گؤزلریم ،سئل كیمی آخیم

سئل اوجاغیمسان ، سندن دونه بیلمرم

************

بلكه بیر قیز گؤزو هله یولدادیر

عشقیمین ایلك اؤدو هله بوردادیر

دارانلی نین یوردو ائله بوردادیر

سون مزاریمسان ، سندن دونه بیلمرم

***********

( كندیمزه گئتدیكده خاطیرالار گزومون اؤنونه

گلدی ومن بو شئعری یازدیم )

خاطیرالارینن یاشاییریق دا !!!!!!

آردینی اوخو
شنبه 11 تیر 1390
بؤلوملر : شئعیرجیكلر,