گلسن

سیندیرا جاغام  آیاغین آلتدا

 ساعاتلاری !

 ندنسه؟!

سندن باشقا كیمینی – گؤزله میرم كی

سانایام

دیقه لری – ثانیه لری !

 

گلسن

سؤندوره جه یم

یانان چیراغلاری – شاملاری

گیزله ده جه ییم

گونشی – آیی – اولدوزلاری!

ندنسه ؟!

گلیشینله ائیشیقلیغا چیخاجاغیم من

 

گلسن

الیمه گؤتوره جه یم

قلم لری – كاغیذلاری

قؤناق چاغیراجاغام

سئویملی – گؤزل سؤزجوكلری

و

گلیشینه بیر شئعیر قؤشوب

 بوراغاجاغام

 هاوایا..!!!!

 

پنجشنبه 23 تیر 1390
بؤلوملر : شئعیرجیكلر,