دئدیم  كی سئویرم سنی

سؤزوم  سؤزومدن سئویندی

ائله كی  باخدی  گؤزلرین

گؤزوم گؤزوندن  سئویندی

********

پارلاندی عشق اؤجاغیم

گول آچدی قونچه  دوداغین

اوتانجاق  قیزاردی   یاناغین  

اوزوم  اوزوندن  سئویندی

*********

اؤ  قدر  چكدیم حسرتینی

گزدیم عشقین قوربتینی

دؤزدوم سن سیز  دردیمی

دردیم دؤزومدن  سئویندی

*********

دارانلی یام   عشقه پاشا

شئعیر اؤخویان دئیر یاشا

منده كی ائتمه دیم حاشا

اؤزوم  اؤزومدن  سئویندی

چهارشنبه 10 اردیبهشت 1393
بؤلوملر : قوشما - قزل,