سینیرلار یوزولور

یئنی ادبیاتا دوغرو بیر آددیم

یئرسیز اؤلوم

سسیمی

هاردا قویلاجاقسینیز

دونیانین بوش یئری یوخ

دنیزده بوغسانیز

هاوادا  گومبولدایاجاغام

آتشه آتسانیز

تورپاقدان  دوغولاجاغام

اؤلوم

یئرسیز معنالانیر

قویلاماغا 

دونیانین 

بوش یئری 

یوخ .....


آردینی اوخو
جمعه 28 آبان 1395
بؤلوملر : سربست لر,

عشق دویوش مئدانی

 

  سنی

خیاواندا اوپه جه یم

یاساقلار دوراغیندا

سسیز موسافیرلرین گؤزلرینین اونونده

سنی باغریما باساجاغام

شه هرین ان بویوک مئیدانیندا

عشقه

دیرکلر قورولاندا

قوی ساچلاریندا مئه له نیم

الیمی الینه آل

خییاوان دولسو

کوچه لرین ان بوروغوندا

دیک دایان

عشق

دویوش مئیدانی

بوتون یاساقلار

یوزوله جک

بوردا......

.......



***********************************************


Səni

Xiyavanda öpəcəyəm

Yasaqlar dürağinda

Səssiz müsafirlərin  gözlərinin  önündə

Səni

Bağrıma  basacağam

Şəhərin  ən böyük  meydaninda

Eşqə

Dirəklər qürülanda

Qoy

Saçlarinda  mehlənim

əlimi  əlinə al

xiyavan dolusu

küçələrin  ən buruğunda

dik dayan

eşq  döyüş meydani

bütün  yasaqlar

yüzüləcək

burda....

......


آردینی اوخو
چهارشنبه 17 شهریور 1395
بؤلوملر : سربست لر,

بو شه هر یالان

 بو شه هر یالان

بو دونیا یالان

یاشایش

سئرچه سئرچه اوچور عوموردن

سحر قیرجان گونش

آخشام ایتیر گؤزدن

گوره ن بو گئجه کیمین

قوجاغینا سیغینیب

گونش

الدوزلار هانسی ناحاق تویا

چیتمیک چالیر

آی ایسه

هانسی خیانته

قاشلارین آلیر

کمان

کمان

 کمان

بو شه ر یالان

سئوگینی یالان باغیریلار

نفرتی یالان

بوتون آرابالار یابانجی

سیقناللار یالان

یولومو دئییرم گوتومور منی

گوتومورسنی

بیزی

ایکیمیزی

گوتورمور بو شه ر

اونومده پنجره لر قاپالی

کوچه لر گیجه لیر

گئجه لیر کوچه لر

دووارلار سیمیت

سیمیت

 سیمیت

سیمیت دووارلار

تانریجام

چینینی دایا  گؤزلریمه

بارماقلاریمین آجیسی دیر

گئجه لر

سیزلاییر

سنی.....

آردینی اوخو
یکشنبه 7 شهریور 1395
بؤلوملر : سربست لر,

ساری کوینک


یاشیل دامن ساری کوینک

نه   یاراشیر    بو    چوللره 

ال   اوزادیر    هردن  کولک

یئل  دولاشیر   بو   چوللره 

**** 

بولبول چالیر نغمه سازین

گوللر ائدیر  عشوه نازین

خوش گئیملی  گولن یازین

عطری  داشیر بو چوللره

****** 

یاغیر  دنه دنه  یاغیش

داغ دره لر ناخیش ناخیش

الهام آلی بوردان  باریش

شعر قاریشیر بو چوللره

***

yaşil  damən  sarı koynək

nə   yaraşır   bu    çöllərə

əl  uzadır   hərdən  kulək

yel  dolaşır  bu  çollərə

****

bülbül  çalır nəğmə sazın

güllər edir eşvə  nazın

xoş geymli gülən yazın

ətri  daşır  bu  çollərə 

******

yağır  dənə dənə yağış 

dağ dərələr naxış naxış

ilham  alır  burdan  barış 

şer  qarışır  bu  çollərə 

*************

heydar ebadi ( barış 





آردینی اوخو
شنبه 29 خرداد 1395
بؤلوملر : قوشما - قزل,

مدرن سئوگی

  مدرن سئوگی

----------
سنی
مدرن دوشونورم
دوداقلارین قهوه قوخویور
گؤزلرینده دالغالانیر سؤزجوکلر
اوخویور
اللرین ساللانیر او تای خییاواندان
دیلیندن 
آرابالار سیقنال چالیر
ساچلارینین ترافیکینده
گیجه لمیش باخیشلاریم 
قالیر 

سنی 
مدرن خاطیرلاییرام 
شعرلریمده داها 
جئیران یئریمیر یئریشلرین
آت بئلینده ساچلارینا
نسیم دولاشمیر 
یئللره  قیسقانمیرام 
داها
اللرینین ریحان قوخوسونو ایتیرمیشم 
شه رین  نم هاراسیندا 

سنی
 مدرن آنلاییرام
چیراغلاری سونمه ین شه رین
گئجه لرینده
توستودن سورمه لنن گؤزلرین
آغینا وورولورام
لاله لر سولوخوب
یاناقلاریندان ایراق
لاله لر رنگ
اولابیلر..ده

سنی 
مدرن سئویرم
مرسدس آهلارینا اوزولورم
بنیزلریندن آخان پورشه لره
سانتافا صاندیغیندا
مئساژ گؤنده ریرم
بو محببته خییاوانلار قیسقانیر
کوچه لر یانیر
او تای یولدان ال ائدیرسن 
سئوگینی 
من ایسه گولومسه ییرم
سالامینی
گوشوندا آدیمی
نه سئیو ائله میسن قاداسی
هانسی نمره نده یم 
بوش وئر اوزولمه
منی دوشون
مدرنله شیریم
دوشونجه نی
سئوگینی
سنی .....


ح – ع - باریش

آردینی اوخو
یکشنبه 18 بهمن 1394
بؤلوملر : سربست لر,

شاعیرانه یاشام


شاعیرانه یاشام

-----------

 

بیر میصراع سن

بیر میصراع من

شاعیرانه گل

بئیتیمیز تاماملانسین

سئویرم تاوانا  دوزولسون

قوشلار

قارانقوشلار

لاپ بئله بایقوشلار

شئعیر کیمی

قیزینسین بئیتیمیز

ترله سین

شوشه لردن شاراب سوزولسون

ایستیرسن – سربست

ایستیرسن -  مدرن

پست مدرن

یوخسا

 بیر کلاسیک غزل کیمی

قافییه لنسین

بئیتیمیز

جان سن دئ

جان من دئییم

باشینا بوراخاق غزلی

بوردا

اوزانسین

دونیا دوردوقجا

سون میصراع نی

زامان

یازسین

 

 

ح- ع - باریش






 

آردینی اوخو
شنبه 12 دی 1394
بؤلوملر : سربست لر,

اویاق اولدوم

 

آخ  گئنه  اود   ووردو  جانیما   عشقین

سوروب  ساچلاردا  بیر داراق   اولدوم

ایچیمدن  قووزانیر  هیجران   نغمه سی

گؤزلردن سوزولوب گول دوداق اولدوم 

************

حزین  گولوشلردن   اولموشام   خومار 

دردلر  ایچینده   داغ    اولماغا  نه وار

آیریلیق    دردینده     آیریلان     یانار

آیریلیب درد ایچره  داش قالاق اولدوم

************

هئچ  بیلیرسن  منه  هیجرین  نئینه دی ؟

دیلده   نغمه    گؤز- ده     ناله ائیله دی

سن سیز   گؤزلریمه   یوخو   گلمه دی

اونداندیر   گئجه لر  تام   اویاق اولدوم

*************

گل سوسموش  دوداقدا  اوتوروب کن  گول

الیمده     قیزاردی    پاییز رنگی      گول 

سن سیز   گونلریمه  یئل  سوووروب  کول

باریش – دیم   کوللرده  بیر اوجاق  اولدوم

 

حیدر عبادی ( باریش )


*******************************************************************************

Ax   genə  od   vurdu  canıma   eşqin

Sürünüb saçlarda  bir   daraq  oldum

Içimdən   qovzanır   hicran   nəğməsi

Gözlərdən süzülüb  gül dodaq  oldum

**********

Həzin  gülüşlərdən  olmuşam    xumar

Dərdlər   içində dağ  olmağa  nə var ?

Ayrılıq   dərdində      ayrılan      yanar

Ayrılıb   dərd içrə   daş qalaq    oldum

************

Heç  bilirsən  hicrin   mənə  neynədi ?

Dildə  nəğmə    göz – də  nalə  eylədi

Sənsiz    gözlərimə    yuxu    gəlmədi

Undandır  gecələr  tam  oyaq   oldum

*************

Gəl susmuş dodaqda  oturubkən gül

əlimdə    qizardı   payız rəngi     gül

sənsiz  günlərimə  yel  sovurub   kül

barış – dım  küllərlə  bir  ocaq oldum    

 

heydər ebadı   ( barış )





      

آردینی اوخو
شنبه 14 آذر 1394
بؤلوملر : شئعیرجیكلر,

داغلارا داغلارا

 

بوتون  بو  شهرلردن  کوسموشم   من

منی   دونده رین    داغلارا   داغلارا

بیر قوشام کی یووامدان دوشموشم من

منی   دونده رین    داغلارا   داغلارا

**************

قریب   قالمیشان   آللاه  بو   تورپاقدا

یوردوم  یووام  قالیبدیر چوخ  اوزاقدا

یاشاییش  چئتین   اولوب   بو  سایاقدا

منی   دونده رین    داغلارا   داغلارا

*************

هایییم گئدیب دئیین بس هئی ییم هانی ؟

سوروم  ایتیب  چوبانام  نئی ییم هانی ؟

گلین گلین   سیزی  بو  باریش  جانی

 منی   دونده رین   داغلارا  داغلارا


***************************************

Butun bu şəhərlərdən küsmüşəm  mən

Məni    döndərin     dağlara     dağlara

Bir quşam ki yuvamdan düşmüşəm mən

Məni    döndərin      dağlara     dağlara

 *************

Qərib    qalmışam   allah   bu   törpaqda

Yürdum  yüvam   qalıbdır   çox   uzaqda

Yaşayış   çətin    olub      bu      sayaqda

Məni     döndərin       dağlara     dağlara

*************

Hayım    gedib   deyin   bəs  heyim  hanı

Sürüm    itib     çöbanam     neyim   hanı 

Gəlin    gəlin      sizi    bu     barış     canı

Məni      döndərin       dağlara     dağlara






آردینی اوخو
شنبه 16 آبان 1394
بؤلوملر : قوشما - قزل,

سون باهار ( پاییز )

    

           

سون باهار 


الوان رنگلرین گل گئدیشینده


خزان   ساز  چالیر


کولک    آواز


قوشلار کوچور


بوداقلار  اوشویور


یارپاقلارین  رنگی  قاچیر


ساپ   ساری  قولاقلارینا


کولک  پیچیلداییر   :


الینی  اوز


آییریل  بوداقدان  -  سوز


سارالا سارالا یاشاماقدان   


قیزارا قیزارا اؤلوم     یاخشیدیر


و یاز اومودیله


قیرمیزی اؤلومو سئچیر    یارپاق


سون باهار..........

آردینی اوخو
یکشنبه 5 مهر 1394
بؤلوملر : سربست لر,

ائللر ایچینده

  

سحر  سحر   سئیره       گلدیم      یاز         چاغی

باغی  گؤردوم  باتیب  گوللر ایچینده

حزین بیر سس قولاغیمی اخشادی

قوش گوردوم  اینلر بولبوللر ایچینده  

آلدیم    قلم  یازام    دفتره  سؤزلر

اونومده   سیراللاندی  دره لر دوزلر

زیروه لردن آخدی  چشمه لر سئللر

شاعیر  گوردوم آغلیر  شئعیرلر ایچینده

 

 

 باخیردیم      هر      یانا                گؤز گؤز                    اویاق

نه    ال       ترپه نیر                 نه  یول                     گئدیر   آیاق   

چکیلبدی      سدلر     یول         دونیب          بولاق

گؤلوم   گوردوم     قورور        گؤللر      ایچینده

 

  طبیمه  یوخ دئدیم من جوشام  گره ک

عشق آتشینده یانام آلیشام گره ک

جانانیلن  قول بویون دانیشام گره ک

دیلیم گؤردوم یاساق دیللر ایچینده

*********** 

اوره یم  شان  شان  گؤز یاشیم قانلی

سینه مده       دویونور                چوخ             هیجانلی

های  سالدی  شعره اؤیانسین دارانلی

ائلیم گؤردوم  یاتیب ائللر ایچینده                         




*******************************


Səhər səhər  seyrə   gəldim  yaz çaği

Baği   gördüm   batıb    gullər   içində

Həzin     bir    səs    qolağımı   oxşadı

Guş   gördüm   inlər   bulbullər  içində

**************

Aldım  qələm  yazam  dəftərə   sözlər

Onumdə    sıralandı   dərələr    duzlər

Zirvələrdən    axdı   çeşmələr    sellər

Şair   gördüm    ağlar   şeirlər   içində

***************

Baxırdım   hər   yana  göz göz  oyaq

 əl   tərpənir   yol   gedir  ayaq

Çəkilibdi   sədlər   yol  donub   bulaq

Gölüm  gördüm  qurur   göllər  içində

***************

Təbimə  yox  dedim  mən cöşam gərək

Eşq   atəşində   yanam   alışam   gərək

Cananılə    qolboyun   danışam    gərək

Dilim    gördüm    yasaq    dillər    içində

**************

Urəyim    şan-şan    göz   yaşım   qanlı

Sinəmdə    doyunur     çox    həyəçanlı

Hay    saldı    şirə     oyansın     daranlı

Elim    gördüm    yatıb     ellər     içində


 

آردینی اوخو
شنبه 21 شهریور 1394
بؤلوملر : قوشما - قزل,