سینه مین كوهنلمیش دردیدی اینان

دیكلیب یئر  اوزونده  بئله  داغلار

سوزولن گؤز یاشلاریمدی یاناغیمدان

دونده ریب  سینه سینده سئله داغلار

***********

اوجالاندا خیالیم قوشلاری اوچار

باخیشیم ایلدیرمدیر باشیندان شاخار

هوروت هوروت هردن  اوزومه باخار

وئرنده   دیلكلریمی   یئله   داغلار

**************

دولاندا من او كوچور دومانا

عوصیانی سئل اولوب جالانا

باش ایمه یب هئچ یئره زامانا

بئله  بسلنیبدیر  بئله   داغلار

 *********************

بلكه ده عومرومدور قوجالیب

یوخسا اومودومدور گوج آلیب

بلكه ده آرزولاریمدیر اوجالیب

چكیلیب سینه سینده گوله داغلار

*************

بلكه ده  عشقیمدی  یانیر  آلیشیر

بلكه ده قهریمدی كوسوب باربشبر

بلكه ده  دیلیمدی  سسسیز  دانیشیر 

سوساندا  من  گلیر  دیله  داغلار

****************

دیلسیزلیك آجیسیدیر شهریارین

گؤروش   حسرتیدیر  بختیارین

 آیریلیق  دردیدیر  بو  دییارین

بئله   دیكلیبدیر   بئله  داغلار

 

آردینی اوخو

 

دئدیم  كی سئویرم سنی

سؤزوم  سؤزومدن سئویندی

ائله كی  باخدی  گؤزلرین

گؤزوم گؤزوندن  سئویندی

********

پارلاندی عشق اؤجاغیم

گول آچدی قونچه  دوداغین

اوتانجاق  قیزاردی   یاناغین  

اوزوم  اوزوندن  سئویندی

*********

اؤ  قدر  چكدیم حسرتینی

گزدیم عشقین قوربتینی

دؤزدوم سن سیز  دردیمی

دردیم دؤزومدن  سئویندی

*********

دارانلی یام   عشقه پاشا

شئعیر اؤخویان دئیر یاشا

منده كی ائتمه دیم حاشا

اؤزوم  اؤزومدن  سئویندی

آردینی اوخو

 

گونلریمی سایا سایا

           آی ایلدیم

آیلاریمی سایاسایا

           زای  ایلدیم

فصیللری فصیللره

           پای ایلدیم

یاز یایا قوربان كئتدی

          یای پاییزا

و قیش گلدی

آرزولاریما قار یاغدی

سویوق ووردو  شاختا چالدی

و آرزلاریم آرزو قالدی

ایل باشا چاتاندا

و بایرام !!!!!

بایرام كوهنلمه یین ایلك آدیمیدیر

گون سایاریمی دگیشیرم

ایل یئنی لنیر

من كوهنه لیرم !!!!!!!

(  یئنی ایلینیز موتلو اولسون )

آردینی اوخو

 

گؤزلرین پارلاق اولدوزلاری

 

ساچلارین  شوه گئحه لری

 

                            دوغور

من ایسه قارانلیق – ایشیق ایچینده

            

  شئعیره باشلایرام – كلمه كلمه

 

سوزولورم

داملا  داملا دوزولورم

یوخ

شئعیر یازمیرام كی

 

من سنی یارادیرام

 

سنی یارادیرام

 

سئوگیلیم

 

 

 20/10/92                حیدر عبادی

               

 

Gözlərin parlaq olduzlari

Saçlarin şəvə gecələri

                               Doğur

Mənisə qaranliq eişiq eiçində

Şeyirə başlayiram

Kəlmə kəlmə suzulurəm

Damla damla duzulurəm

Yox  şeyir yazmiram ki

Mən səni yaradiram

Səni yaradiram

sevgilim

آردینی اوخو

سئویملی و ایستكلی دوستلار

خدا آفرین مدنییت اوجاغی آدیلا ، هر آیین اوول چرشنبه سی ساعت 18 دن 20 قدر شعر و موسیقی توره نی كئچیریلیر.

بو قرارا گوره بوهفته اسفند آیینین 7 سینده ساعات 18 دن 20 قدر بوسازلی و سؤزلو تورن دایر اولاجاق.

آدرس : تهرانپارس خ جشنواره خ امین میدان والفجر محله جوادیه

گیریش هامی اوچون آزاد و پولسوزدور  ----- یولونوزو گؤزله ییریك  بویورون لوطفن  سازیلن - سؤزولن گلین

آردینی اوخو

چوخداندی  داریخمیر  اوره یین  منه

اؤ  سئودالی  چاغلاریمیز  هانی دوستوم

نه میساژ  گلیر  نه زنگ ائدیرسن  یئنه

اؤ سئودالی  چاغلاریمیز  هانی دوستوم

******************

چیخمایب  یادیمدان  اؤ  چاغ  اؤ دئوران

آغیر كلمه میز  تك    جانیدی     جان

 من  سنه قوربانیدیم  سن منه قوربان

اؤ سئودالی  چاغلاریمیز  هانی دوستوم

***********************

گونشدن   قاباق   داغلاری  گزردیك

یاز  سحری اؤ باغلاری  گزردیك

هر  گؤزه له بیر دسته  گول  درردیك

اؤ سئودلی  چاغللاریمیز  هانی دوستوم

******************* 

قؤیمایین   زامانه  آییرسین  بیزی

قملره  قارشی  چوكدورمه  دیزی

دارانلی – نین بودور گیلیلی  سؤزو

اؤ سئودالی  چاغلاریمیز هانی  دوستوم 

آردینی اوخو

قوناغیم وارییدی ایش ایچینده بیر ماهنینی  دوداق آلتی اؤخوردیم  (  یاز گلینجه  شؤر گؤلونده  دینجلر جانیم اورمو  دینجلر جانیم اورمو .......... ) دوستومون كؤرپه قیزی دئدی : منی ده اورآپاردا عمی

دئدیم : هارا آپاریم گؤزل قیزیم   . دئدی  :شؤر گؤلونه  .... الیندن یاپیشیب دئدیم گل گئدك .

كامپیوتری یاندیرب اورمو گولونون گؤزل شكیللرینی گؤستردیم . شپه لرینی – لیلكلرینی  - نارین بالیقلارینی و..........

قیز دئدی : منی اوریا آپار شكیللرینی ایستمیرم منی اوریا آپار دینجه لیم

دئدیم : بالا داها اورا یوخدور یانی اؤ سولار قورویوب

دئدی : من آلدانمارام بیر اؤ قدر سو قورویابیلمز اینانمیرام

دئدیم : حاقلیسان منده اینانمیردیم امما گئرچكدن قورودو یا دوغروسو قوروددو.......

آردینی اوخو

 

        قیش گئجه لری

ائوینیزده یانسین چیراق

              قیش گئجه لری

گلمیشیك سیزلره قوناق

             قیش گئجه لری 

**************

قار یاغیب قاپی باجانی آلدی

یاریسی ارییب ، یاریسی قالدی

بوز  باغلادی – شاختا چالدی

كولك قیزغین چالیر سازاق

             قیش گئجه لری

************ 

سیزیلداداندا جانیزی  بوزلو كولك

قیزغین اولسون ایچینیزده  اوره ك

شیرین شیرین دانیشیب ، گولك

تاپماجالارا  جاواب تاپاق

                   قیش گئجه لری

*****************

شاعیر اولسون شئعیر اولسون ساز اولسون

قم كدرینیز اوره كلرده آز اولسون

قیش  گئجه سی اؤجاقلارینیز ساز  اولسون

دارانلی شئعیر یازسین  بیز اوخویاق

                        قیش گئحه لری

گلمیشیك سیزلره قوناق

                    قیش گئجه لری

**************
تبریز تلویزیاسیندا گئدن قیش گئجه لری وئرلیشه گوره یازدیم

آردینی اوخو

 

 

یاغمور یاغیر                                                                                        

اوشویورم

گویلری یئددی قات اوستومه چكیرم

و یئرلری  باشیمین آلتینا

گوزلریمی یومورام :

یئددی یاشیندا اوشاق

مكتب ده یم

موعللیم : نئجه سن حالیمی سؤروشور

آنام كیمیدیر - شیرین دانیشیر

سو دئیر  سوسویورام

چؤره ك  دئییر آجیرام

آتا  دئییر گووه نییرم

آنا دئییر سئوینیرم

 مكتبین زنگی چالینیر

گؤزلریمی آچیرام

هر شئی اؤز یئرینده

یاساقلیق – قوراقلیق...

 تؤرپاغا چكیرلر دوشونجه لریمی

 قویلاییرلار

ومن ایسته مه دن اولورم

اؤلورم....

آردینی اوخو

 

      چشمه خاطیره لری

یؤلوم دوشدو  دونن چشمه باشینا

سوكوت بوروموش بیر خبر یوخدو

اؤزوم  تك یالقیز گوردوم اونو

گؤزوم  دولدو  كونلوم داریخدی

**********

چشمه دن گوردوم كوچوبدو قیزلار

چشمه بئله  لام  آخیر گئدیر

داشلانمیر  اویان  بویانا  سولار

چشمه  اؤز  گوزونو سیخیر  گئدیر

**********

یومدوم  گؤزومو اؤتن چاغلاری

دوزدوم گؤزوم اؤنینه بیرده

لاپدان  قوزاندی چشمه ده  هارای

قیزلاری  گؤردوم  دئیب  گولمه ده

************ 

هؤروكلو بیر قیز آلیب  دستمالیمی

یویوب  سردی  چشمه   داشینا

باشلاندی قیزلاردا گول ها گول سسی

چشمه نی  قویدولار قیزلار باشینا

**********

بولور بیلكلر شیمشاد  قوللار

اوزوردو  سودا بالیقلار  كیمی

بیری  سو دؤلدورور  بیری قاب یویور

نه رویا ، گوروردوم  اویاقلار  كیمی

**********

آنام گلدی   گوردوم كوزه الینده

اوتاندیم دوروب ایسته دیم قاچام

بیلیردیم خیالدی رویادیر بولار

یئنه ایسته مه دیم  گؤزومو آچام

************

چالدی  كوزه نی  چشمه یه  آنام

داشلاندی اویان  بویانا  سولار

ایسلاندیم بیر قیز دئدی  آی آنا

اولموشدو گولمكدن اؤ بیری قیزلار

**********

دؤلدوروب كوزه نی  آلدی چینینه

هله م  كوزه دن  سو  سوزه سوزه

كوره ییندن بیر ایسلاق خط چكیلدی

دوشوندن ده  سو آخیردی  دیزه

*********

گؤزومو آچدیم  نه قیزلار نه آنام

چشمه سسیزجه لام آخیر گئدیر

دونیا   بو چشمه دیر  بلكه

هر گلن سویونا  باخیر گئدیر ....!

آردینی اوخو